№1 Қалалық емханасы
Алғашқы қабылдау 2100 KZT
№1 қалалық емхана ересектер мен балаларға алғашқы медициналық-санитарлық көмек және консультациялық-диагностикалық көмек көрсетеді, медициналық оңалту және қалпына келтіру емдерін жүргізеді. №1 ҚЕ Қостанай қаласының 100% жасөспірімдеріне қызмет көрсетеді. Амбулаториялық-емханалық қабылдаулар емхана жағдайында және үйде 22 бейін бойынша жүргізіледі. Физиотерапиялық емдеу, сондай-ақ емхананың күндізгі стационарында емдеу жүргізіледі. Емханада шағын инвазивті оталар, оның ішінде глаукома кезіндегі лазерлік оталар жасалады.
№1 емхана – қаланың ескі емханасы. "Қостанай қаласының №1 емханасы" МКҚК 2001 жылдың тамыз айында №1, 2, 3, 4 отбасылық дәрігерлік амбулаторияларды қосу жолымен қайта құрылды. 2013 жылдың ақпан айында кәсіпорын "Қостанай қаласының №1 емханасы" КМК болып атын өзгертті.
№1 ҚЕ екі Call-орталық жұмыс істейді. Пациенттер қабылдауға өздігінен жазу арқылы, тіркеу орнына тікелей келгенде және телефон арқылы жазыла алады. Амбулаториялық-емханалық көмектің қолжетімділігін арттыру мақсатында емхананың сайтында тәулік бойы онлайн режимінде жазылу да қарастырылған.
Диагностика:
- Эхокардиография
- Ультрадыбыстық тамырлардың допплерографиясы
- Эндоскопиялық зерттеулер
- Спирография
- Электроэнцефалография
- Реоэнцефалография
- Реовазография
- Рентгенография
- АҚ холтерлік және тәуліктік мониторлау
Физиотерапия кабинеті
Диагностикалық зертхана
2012 жылы емханада 30000 астам әйелдерге қызмет көрсететін акушерлік-гинекологиялық бөлімше ашылды. Бөлімше келесі қызметтерді ұсынады:
- Физиологиялық жүктілікті және босанғаннан кейінгі кезеңді жүргізу;
- Жүкті және босанған әйелдердің патронаждары;
- Отбасын жоспарлау мәселелері бойынша кеңес беру және қызмет көрсету;
- Экстрагениталды ауруларды ерте анықтау мақсатында әйел адамдарға профилактикалық тексеруді ұйымдастыру және жүргізу (ЭГА);
- Гинекологиялық науқастарды қарау;
- Әйелдерді диспансерлік бақылау және сауықтыру;
- Көрсеткіштер бойынша бейінді бөлімшелерге жатқызу;
- ЖММК-ға пациенттерді іріктеу;
- Еңбекке уақытша жарамсыздық сараптамасын жүргізу;
- Халыққа санитарлық-ағарту және гигиеналық тәрбие жұмыстарын жүргізу.
Бірнеше жылдар бойы емхана қызметінің көрсеткіштері облыстағы ең үздік көрсеткіш болып табылады, соның ішінде Ұлттық скрининг өткізу, ауруларды ерте анықтау, туб- және онкоасқынулардың алдын алу. Кәсіпорын бірнеше рет облыстық және республикалық байқаулардың жүлдегері атанды.
Кәсіпорын ұжымында 300-ге жуық жұмысшы, оның ішінде 80-нен астам дәрігер, 122 орта медициналық қызметкер бар. Санатталған кадрлардың үлес салмағы - 51%, оның 60% - жоғары біліктілік санаты бар. Соңғы жылдар ішінде кәсіпорын қаражаты есебінен емхана қажеттілігіне сәйкес қайта даярлаудан (бастапқы мамандандырудан) 2 және 3 дәрігерлік мамандық алған 18 дәрігер өтті. Емхананың 3 маманы Израильдің үздік клиникалары базасында ұзақ мерзімді оқудан өтті. Шетелде қысқа мерзімді тағылымдамада кәсіпорынның 4 дәрігері болды (Түркия, Финляндия, Австрия). 2009-2011 жылдары 2 интерн-дәрігер кәсіпорын қаражаты есебінен Интернатурада оқып, бүгінде емхананың дәрігерлік құрамын толықтыруда. Қазіргі уақытта кәсіпорын қаражаты есебінен медициналық ЖОО-да 1 студент білім алады. 2012 жылы емхананың 150-ден астам маманы біліктілікті арттыру курстарында оқыды.
Жыл бойы емхана 300 000-ға жуық дәрігерлік, соның ішінде 60 000-ға жуық профилактикалық, атап айтсақ скринингтік тексерулер жүргізеді. 6600-ден астам пациент стационарды алмастыратын технологияларды қолдана отырып ем алады, 580 000-ға жуық диагностикалық зерттеулер, оның ішінде 40 000-нан астам флюоротексеру жүргізіледі.
.png)
Пікірлер
Науқастардың пікірлері барлығы: 4