2019 жылдың 10 қазанында «№ 1 қалалық емхананың» инфекционист-дәрігері Н. А. Хасенова медициналық қызметкерлер арасында респираторлық вирустық инфекциялар, тұмау және пневмококтік инфекциялардың алдын алу бойынша семинар өткізді. Іс-шара 1 қазаннан бастап 1 қарашаға дейінгі аралықта «Алдын алу. Қорғау. Егу» ұранымен өтетін айлық аясында ұйымдастырылды. Семинардың мақсаты – медициналық қызметкерлердің аталған аурулардың алдын алу шаралары туралы хабардар болу деңгейін арттыру. Жиын барысында инфекционист-дәрігер тыңдаушыларды ЖРВИ, тұмау және пневмококктік инфекцияның негізгі ережелерімен таныстырып, эпидемиологиялық маусымдағы ЖРВИ-мен сырқаттанушылық көрсеткіштері туралы әңгімеледі.